5 көн
#ФСГОРБ #ГрантыРБ

   9 декабрь көнө, “Азатлыҡ” халыҡты социаль хеҙмәтләндереү үҙәге аша тормошҡа ашырылған, Башҡортостан Республикаһы Башлығының гранттар фонды ярҙамында ойошторолған башҡорт теленең педагогик оҫталыҡ “Йәш педагог. Актив” фестиваленә йомғаҡ яһалды. Унда башҡорт теле буйынса олимпиада һөҙөмтәләре иғлан ителде.

   Тантаналы ябау сараһы туған телдә нәфис һүҙ, йырҙар һәм ҡатнашыусыларҙы дипломдар менән бүләкләү аша үрелеп барҙы.
           Моң шишмәһе һандуғастай йырсы ла һин,
           Һығылма бил тал сыбыҡтай нәфис тә һин,
           Аллы-гөллө гөл-сәскәләй наҙлы ла һин,
           Эй, илһамлы, эй, хөрмәтле башҡорт теле! (З.Биишева)

   14 декабрь көнө йәш педагогтарҙы, студенттарҙы тағы ла “Аленушка” һәм “Айгөл” балалар баҡсаһы башҡорт телендә йәнһүрәт лабороторияһында көтә.