Башҡорт теле көнөн беҙҙең "Айгөл" балалар баҡсаһында үткәреү күптән инде традицияға әйләнгән. Бөгөн, 13 декабрь, шул традицияны дауам итеп, матур сара үткәрҙек.

Был байрамда балалар туған телебеҙҙе маҡтап, ҙурлап йырҙар йырланылар, шиғырҙар һөйләнеләр. Ысын әкиәтсе роленә инеп әкиәт һөйләүселәр ҙә булды.

Күңеләрҙе дәртләндереп башҡорт бейеүҙәрен бейенеләр, халыҡ уйындарын уйнанылар. Беҙҙең балалар киләсәктә лә башҡорт телен яратып, рухлы булып үҫерҙәр тигән өмөттә ҡалабыҙ.