Ғәилә терәге - ир-ат, атай кеше. Беҙҙең башҡорт халҡында борондан атай кешегә - ғәилә башлығы итеп ҙур ихтирам, оло хөрмәт менән ҡарағандар, был бөгөнгө көндә лә ҡала бирә. Атайҙар ил терәге лә, ғәилә таянысы ла.
...Атайҙарҙы иң ҡәҙерле тибеҙ,
Атайҙарһыҙ йәшәп буламы?!
Таба алмам алыштырыр кеше
Әйләнһәм дә бөтә донъяны.
Хөрмәтле атайҙарыбыҙҙы, ҡартатайҙарыбыҙҙы байрам менән ҡотлап, 19 февраль "Айгөл" балалар баҡсаһының "Күбәләктәр" төркөмө "Беҙгә тыныслыҡ кәрәк" тип исемләнгән байрам иртәлеге үткәрҙе. Ҡунаҡтарға, балаларҙың дәртле йырҙары, бейеүҙәре, хәрби-патриотик шиғырҙары, бергәләшеп уйнаған спорт уйындары, күңелдәренә хуш килде. Байрам бүләкһеҙ булмай бит. Байрам аҙағында, балалар үҙ ҡулдары менән эшләгән бүләктәрен яҡын кешеләренә бүләк итеп тапшырҙылар.